هييه انت يا اللي معترضني

هييه انت يا اللي معترضني في الحكي غلطان
توقع خبرة المـارج لكـم لا تنزلـق فيهـا
على وضح النقا نمشي مماشي ما مشاها فلان
وعلى ذب الخرايم متعب رجلـي ومحفيهـا
يبي يلعب علي ما درى اني مدوخ الخبـلان
انعرف البندق اللي لا رمت زمـة براعيهـا
اذا انت تدعي القيفان انا من بحرها رويـان
ولا هـي بكايـدة لامـن بغيناهـا نغنيـهـا
واذا انك شايف نفسك تعوذ من بلا الشيطـان
ترى عيال النسا كم اخلفت نـاس بهقاويهـا
يقولون احفر الماء تكثر الورد على المعطان
وقالوا دمدم المـاء تسلـم الـورد وبلاويهـا
واذا انك جاهل انشد كبيـر شايـب فهمـان
يعلمك العلوم اللي مضـت ان كـان تبغيهـا
واذا انك راكب راسك نصيحه سم بالرحمـن
فعايلنـا وروث جـدود مستـوره مبانيـهـا
نعز الجار ونزبن دخيـل ونكـرم الضيفـان
على حياض المنايا وردنـا وردة ضواميهـا
هواجر من بني ضيغم عبيده والنسب قحطان
مراسيـل لملـك المـوت يامرهـا وينهيهـا
نزلنا في الجنوب ونجد برجال وقنا وسنـان
على قب المهار اللي المنايـا فـي نواصيهـا
بشلف يدفقـن الـدم رعينـا عشبهـا لازان
نزلناهـا ليـا هابـت كثيـر الخلـق تاتيهـا
نزلنا في خشيم الذيب والصافي مـع ذاقـان
رعينا المرزمه ويا المريبـخ مـع علاويهـا
خذينا صلحة الديره وراسه بجارعـة للحـان
ويـوم شحـة الديـره تركناهـا لهاليـهـا
وخلفنا تواريخ وعدود مع قصـص فرسـان
على رسم الحقائـق ثابتـه لا مـا نخفيهـا
وبدلنا الديـار بـدار بقـوم كلهـم فرسـان
قصاصيب الفنا عوق الخصيم اللـي يعاديهـا
وخسرنا مع هل الديره ورعينا عودها ريـان
ورسمنـا لنـا دار لعـل الـوسـم ياتيـهـا
شمال من الحسا دار الوفا والعرف والظفران
ديار اللابة اللي كـم عجـز منهـو يباريهـا
هذولا هم بني عمي بني هاجر هل السلطـان
يبي يقصر قليل العـرف لا لا مـا يداريهـا
توقع يا قليل الفود جعلـك فـدوة الظفـران
فعايلهـم وروث جـدود مشيـوده مبانيـهـا

مشكوووووووووووووووووووووووووووووووووووووووور

مشكوووووور

Thanx

» هييه انت يا اللي معترضني
» اللي عنده موضوع
» قصص رعب (( اللي يخاف لا يدخلها)) قصص رعب صغيرة بس ممنوع دخوول اصحاب القلوب الضعيفه